မြန်မာနိုင်ငံတဝှမ်း လူ့အခွင့်အရေးချိုးဖောက်မှုများကို ပြင်းထန်ဆိုးရွားစွာချိုးဖောက်နေသည့် အကြမ်း ဖက်စစ်တပ်က တိုင်းပြည်အာဏာကို လုယူထားသည်မှာ ယခုဆိုလျှင် လေးနှစ်ရှိလာပြီ ဖြစ်သည်။ ၂၀၀၀ ခုနှစ် မတ်လ စတင်တည်ထောင်ချိန်မှစ၍ အေအေပီပီသည် တရားလက်လွတ်ဖမ်းဆီး ထိန်းသိမ်းခံရခြင်းများနှင့်အတူ ၎င်းတို့နှင့် အဓိကဆက်စပ်သည့် အကြောင်းအရာများဖြစ်သော အကျဉ်းထောင်အခြေအနေများ၊ နိုင်ငံရေးအကျဉ်းသားများအပေါ် ပြုမူဆက်ဆံပုံများနှင့် စစ်အာဏာရှင်အဆက်ဆက်က ကျင့်သုံးခဲ့သည့် ဖိနှိပ်ချုပ်ချယ်သော တရားဥပဒေများ စသည်တို့ကို မှတ်တမ်းတင်ခြင်းများ လုပ်ဆောင်ခဲ့သည်။

အေအေပီပီအနေနှင့်လည်း လွန်ခဲ့သော လေးနှစ်တာကာလအတွင်း ဖြစ်ပွားခဲ့သည့် အဖြစ်အပျက်များကို စောင့်ကြည့်လေ့လာကာ စစ်တပ်က ကျူးလွန်ခဲ့သည့် လူ့အခွင့်အရေး ချိုးဖောက်မှု ဖြစ်စဉ်များကို မှတ်တမ်းတင်လျက်ရှိသည်။